![Stjóri í Sernámi settur](https://landsstyri.cdn.fo/savn/10326/mo-sernám.jpg?width=1024&height=576&rmode=crop&s=YDoFMvoGyqDIGBz89wEr1GEA-L0)
Rigmor Dam, landsstýriskvinna hevur sett Margreth Olsen í starvið sum stjóra í Sernámi frá 1. desember 2017 at rokna.
Margreth Olsen er 39 ára gomul og útbúgvin Cand.Merc.(psyk) frá CBS. Eisini hevur hon eina bachelor útbúgving í sálarfrøði frá Glasgow Caledonian University, umframt eina konsulentútbúgving innan HR.
Margreth Olsen hevur fjølbroyttar royndir á stovnum fyri børn við autismu, ung við atferðartrupulleikum og serdagsstovni. Eisini hevur hon royndir sum mennari og ráðgevi innan HR økið í banka. Seinastu mánaðirnar hevur hon undirvíst innan “Námsfrøðiliga leiðslu” á Fróðskaparsetur Føroya.