![Skúlastjóri í Eysturskúlanum settur](https://landsstyri.cdn.fo/savn/12048/eyðna-magnussen.jpg?width=1024&height=576&rmode=crop&s=pNluEvGeDE7SmYD2GTThUezOFcI)
Hanna Jensen, landsstýriskvinna, hevur sett Eyðnu Magnussen í starvið sum skúlastjóra í Eysturskúlanum frá 20. februar 2019 at rokna.
Eyðna Magnussen er 51 ára gomul og tók læraraprógv í 1992. Hon hevur drúgvar undirvísingarligar royndir umframt leiðsluroyndir sum varaskúlastjóri í Eysturskúlanum, og hevur frá 1. januar í ár verið virkandi skúlastjóri. Eisini luttekur Eyðna Magnussen í diplomútbúgvingini innan námsfrøðiliga leiðslu á Fróðskaparsetri Føroya.