Í sambandi við at skúlabólkurin í Dagstovninum á Hamrinum vitjar arbeiðspláss hjá foreldrum vóru tey í dag og vitjaðu Mentamálaráðið, har mamma Rósu arbeiðir. Á skránni var kunning, rundvísing og hugni. Tey ótu matpakkan í matarhøllini áðrenn farið var avstað aftur. Børnini eru sera fitt, teimum dáma væl at ganga í skúlabólki og gleða seg at byrja í skúla eftir summarfrítíðina. Vit ynskja teimum góða eydnu.