![Símun Poulsen stjóri í Vinnuháskúlanum](https://landsstyri.cdn.fo/savn/14198/mynd-tíðindaskriv.jpg?width=1024&height=576&rxy=0.50166666666666671,0.29949238578680204&rmode=crop&t=5354&s=9pVvLoIg8sKDfToPIgYoiJ6h-m8)
Jenis av Rana, landsstýrismaður í uttanríkis- og mentamálum, hevur gjørt av at seta Símun Poulsen í starvið sum stjóra í Vinnuháskúlanum.
Símun Poulsen er 50 ára gamal, er skipsførari og hevur læraraprógv, umframt at hava tikið master í leiðslu og organisatiónsmenning. Símun Poulsen hevur drúgvar royndir innan maritima økið, eitt nú bæði arbeiðs- og leiðsluroyndir. Hann hevur verið nautiskur undirvísingarleiðari í Vinnuháskúlanum síðan 2013, umframt at hava undirvíst har síðan 2007. Símun Poulsen sigldi nógv ár, bæði á Føroyaleiðini og úti, áðrenn hann byrjaði á Vinnuháskúlanum og hevur eftir tørvi avloyst har sum virkandi stjóri.
Nýggi stjórin byrjar í starvinum 1. juli 2020.