![NÝGGJUR STJÓRI SETTUR FYRI FØROYA HANDILSSKÚLA](https://landsstyri.cdn.fo/savn/1770/helenadamneystabo-web170.jpg?width=1024&height=576&rmode=crop&s=_fvECwzj3HarzgCku2-ve9ye7Mg)
Landsstýrismaðurin í mentamálum, Bjørn Kalsø, hevur eftir tilmæli frá stýrinum fyri Føroya Handilsskúla gjørt av at seta Helenu Dam á Neystabø sum stjóra á Føroya Handilsskúla. Tá ið umsóknarfreistin til skúlastjórastarvið var úti tann 14. februar 2012, vóru 15 umsóknir komnar til starvið.
Helena Dam á Neystabø er 56 ára gomul, og hon er útbúgvin cand.mag. í donskum og týskum. Eisini hevur hevur hon eina masterútbúgving innan almenna leiðslu. Helena Dam á Neystabø hevur undirvísingarroyndir sum miðnámsskúlalærari og fyrisitingarroyndir frá Landsskúlafyrisitingini, har hon hevði ábyrgd av miðnámsskúlunum, serstakliga Handilsskúlunum.
Helena Dam á Neystabø hevur verið stjóri á Føroya Skúlabókagrunni, umframt at hon hevur verið landsstýriskvinna fleiri ferðir, síðst í Mentamálaráðnum við ábyrgd av m.a. skúlamálum. Í sínum politiska starvi hevur hon havt nógvar leiðslu- og álitispostar.
Nýggi stjórin tekur við starvinum 15. apríl í ár.