![Niðurstøða frá partalagsfundi millum Føroyar og USA](https://landsstyri.cdn.fo/savn/17762/fundur-um-partalagyvirlýsing-2023.jpg?width=1024&height=576&rmode=crop&s=eIl8grOaIXV7mHKIIIDYgwjIjDM)
Umboð fyri landsstýrið og amerikonsku stjórnina hava í dag havt fund í Washington D.C. sambært partalagsyvirlýsingini, ið varð undirritað í 2020. Báðir partar váttaðu ynskið um at styrkja sambondini og vóru samdir um útlitini fyri øktum samstarvið millum Føroyar og USA.
Varaundiruttanríkisráðharrin í amerikanska uttanríkisráðnum, við ábyrgd fyri evropeiskum og evrasiatiskum viðurskiftum, Douglas Jones og stjórin fyri uttanríkistænastuna, Gunnar Holm-Jacobsen leiddu fundin, sum m.a. snúði seg um politiskt, búskaparligt og mentanarligt samstarv. Høvi var eisini at eftirmeta framgongdina í samstarvinum síðani partalagsyvirlýsingin varð undirritað og partarnir settu á fundinum mál fyri komandi árið.