![Móðurmálsdagur í Løkshøll](https://landsstyri.cdn.fo/savn/9405/móðumálsdagurin.jpg?width=1024&height=576&rmode=crop&s=JGDWxmMSJ76zFt2-xd0eE433p3Y)
Leygardagin, 25. mars, var Móðurmálsdagurin hildin við stórum tiltaki í Løkshøll í Runavík, sum Málráðið, Mentamálaráðið, Nám, Sosialurin og Móðurmálslærarafelagið skipaðu fyri. Í ár var serligt ljós varpa á yrkismál, og Móðurmálsheiðurslønin fór í ár til útvarpsmannin og yrkisbókarithøvundin, Suna Merkisstein fyri hansara avrik innan yrkismál.
Landsstýriskvinnan í mentamálum, Rigmor Dam, setti dagin, og umframt heiðurslønahandan var sangur og fleiri røður um yrkismál.