Mentamálaráðið hevur sett Betty Hansen í starv sum fyrstalærara í Sands skúla

Betty Hansen er 53 ára gomul og hevur drúgvar royndir sum lærari í fólkaskúlanum og leiðsluroyndir sum einalærari í Skúvoyar skúla. Betty hevur starvast í fólkaskúlanum í mong ár, í Skopunar skúla, Sands skúla, Skúvoyar skúla og meginpartin av tíðini í 17 ár í Sandoyar Meginskúla. Betty er virkin innan ymsar felagsskapir sum forminnafeløg, dansifeløg, ferðavinnu,  limur í Amnesty, og er skrivari og kassameistari í Skúvoyar Fornminnafelag og Skúvoyar Bygdarsavni umframt nevndarlimur í Sandoyar Ferðalag.

Betty tók læraraprógv á Esbjerg seminarium í 1987 og hevur harumframt nomið sær fakligan og námsfrøðiligan førleika innan eftirútbúgvingarskeið í ymsum lærugreinum umframt leiðsluskeið í persónligari leiðslumenning.