![Leiðari í Yrkisdeplinum settur](https://landsstyri.cdn.fo/savn/10333/mynd-randi-frederiksberg.jpg?width=1024&height=576&rmode=crop&s=VL_JKNukd0jZm5rchAbEtVKUutk)
Rigmor Dam, landsstýriskvinna, hevur sett Randi Frederiksberg í starvið sum leiðari í Yrkisdeplinum.
Randi Frederiksberg er 48 ára gomul og útbúgvin landafrøðingur frá Lærda háskúlanum í Keypmannahavn. Eisini hevur hon eina altjóða MBA útbúgving frá Spania.
Randi Frederiksberg hevur fjølbroyttar starvsroyndir innan ráðgeving og leiðslu. Hon hevur verið leiðari innan vinnumenning í Tórshavnar kommunu, umframt innan lestrarumsiting á Fróðskaparsetri Føroya. Hon hevur eisini royndir sum sjálvstøðugt vinnurekandi og hevur undirvíst á Glasi.
18 umsóknir vóru til starvið. Randi Frederiksberg byrjar í starvinum 1. januar 2018.