![»Lat tey øru sleppa framat«](https://landsstyri.cdn.fo/savn/10853/skærmbillede-2018-05-22-kl-14-57-17.png?width=1024&height=576&bgcolor=fff&rxy=0.54,0.14343707713125844&rmode=crop&format=jpg&t=67205826&s=EPhImZ5Hq3i0g7dETiTiNYntPBI)
»Tey, ið hava tráað eftir at traðka uttanfyri tað, sum ”man plagar” hava søguliga ikki havt nógvar møguleikar í Føroyum.
Og hetta, samstundis, sum vit vita, at júst tey, sum tora at hugsa ørt og øðrvísi, eisini eru tey, sum hava gjørt tey mest týðandi kvantespringini í søgu menniskjans – hesi sum gingu undan innan tøkniliga menning, nýggjar loysnir og søgulig frambrot.
Og tí gleðir tað meg hjartaliga, nú vit í dag kunnu lata FabLab upp.
Tí okkum tørvar uppfinnarar. Okkum tørvar fólk, sum málrættað seta sær fyri at broyta ting, gera ting øðrvísi og betri – og hugsa nýtt.
Bæði fyri at vit her í Føroyum fáa fleiri ella stinnari búskaparlig bein at standa á, men sanniliga eisini fyri at vit, sum mannaætt, hava vón fyri framman her á jørð.
So ja, lat tey øru sleppa framat!«
Millum annað hetta segði landsstýriskvinnan í Mentamálum, Rigmor Dam, tá hon var til móttøku í FabLab - nýggja royndarlaboratoriið hjá forvitnum og nýhugsandi føroyingum.
Les alla røðuna her