14.05.2021 · Uttanríkis- og vinnumálaráðið
Landsstýrismaðurin í uttanríkismálum á fund við amerikanska starvsbróður sín
![Landsstýrismaðurin í uttanríkismálum á fund við amerikanska starvsbróður sín](https://landsstyri.cdn.fo/savn/14230/mynd7.jpg?width=1024&height=576&rmode=crop&s=VGfD57VYg6p3bMIpCT19zC8MXGM)
Mánadagin fer Jenis av Rana, landsstýrismaður, á fund við amerikanska starvsbróður sín Antony Blinken. Danski uttanríkisráðharrin, Jeppe Kofod, og grønlendski uttanríkisráðharrin, Pelle Broberg, verða eisini á fundinum, sum verður í Keypmannahavn. Umframt mál av áhuga fyri ávikavist Danmark og Grønland, skulu millum annað samstarvið millum Føroyar og USA og støðan í Norðurhøvum og Arktis umrøðast.
Jenis av Rana hitti undanfarna amerikanska uttanríkisráðharran Michael Pompeo í Keypmannahavn í juli í fjør. Í november skrivaðu Føroyar og USA undir partalagsyvirlýsing um økt sínámillum samstarv.