08.08.2020 · Uttanríkis- og vinnumálaráðið
Landsstýrið letur 500.000 kr. til neyðhjálpararbeiði í Libanon
![Landsstýrið letur 500.000 kr. til neyðhjálpararbeiði í Libanon](https://landsstyri.cdn.fo/savn/14238/mynd11.jpg?width=1024&height=576&rxy=0.53,0.27911857292759706&rmode=crop&t=2685062&s=JMs3wtL5DMpXeanFJ0mrX5TQj5c)
Føroya landsstýri hevur gjørt av at lata 500.000 kr. til Libanon.
Síðani spreingingina í Beirut týsdagin hava fleiri fólk latið lív og fleiri fingið skaða, og støðan í libanska høvuðsstaðnum er sera hættislig. Tí hevur Landsstýrið gjørt av at lata neyðhjálp, og tað verður Reyði Krossur, sum skipar, hvussu peningurin verður brúktur í vanlukkurakta økinum.
Peningurin verður millum annað brúktur til bráðfeingisskaðastovur, heilivág, útbering av teppum, vatni og mati umframt útgerð til reinføri.