![JÓNLEIF JOHANNESEN FYRSTILÆRARI Í SKÚLANUM Á FOSSÁNESI](https://landsstyri.cdn.fo/savn/4323/75009da9-0198-4b9d-994b-64461b060037.jpg?width=1024&height=576&rmode=crop&s=fWVzll5-9f-ZofaivTEdvyT8XEk)
Landsstýrismaðurin í skúlamálum, Bjørn Kalsø, hevur sett Jónleif Johannesen í starvið sum fyrstalærari í Skúlanum á Fossánesi. Jónleif tekur við starvinum tann 1. august 2013.
Jónleif Johannesen er 34 ára gamal, tók læraraprógv í 2004, AKT-útbúgving í 2009 og hevur umframt tikið onnur viðkomandi skeið.
Jónleif hevur fleiri ára royndir, bæði sum lærari og AKT-lærari og hevur hann eisini í nøkur ár samskipað og lagt til rættis AKT-arbeiðið á fleiri skúlum. Jónleif Johannesen hevur harumframt royndir frá fakfelagsarbeiði.