![Íslendski uttanríkisráðharrin á vitjan í Føroyum](https://landsstyri.cdn.fo/savn/14565/guðlaugur-þór-þórðarson.jpg?width=1024&height=576&rxy=0.54333333333333333,0.381468110709988&rmode=crop&t=58&s=KE7XvntkJCNB1uOz8Fu9MXTV4qw)
Í døgunum 22.-24. oktober vitjar íslendski uttanríkisráðharrin, Guðlaugur Þór Þórðarson, í Føroyum. Jenis av Rana, landsstýrismaður í uttanríkis- og mentamálum, er vertur fyri vitjanini.
Fyrrapartin fríggjadagin 23. oktober hava uttanríkisráðharrarnir fund í Tinganesi. Á skránni fyri fundin er handilsviðurskiftini landanna millum.
Fríggjadagin verður eisini vitjað á garðinum á Vatnaskørðum hjá Sigerti Paturssyni, formanni í Bóndafelagnum, og hjá Krás í Hósvík.
Seinnapartin fríggjadagin luttaka Jenis av Rana og Guðlaugur Þór Þórðarson á ráðstevnuni "Brexit, møguleikar og avbjóðingar, har teir fara at røða um, hvørjar møguleikar og avbjóðingar Brexit hevur fyri ávikavist Føroyar og Ísland. Ráðstevnan er partur av FaroExpo 2020 í Runavík.
Íslendski uttanríkisráðharrin fer av landinum sunnudagin 25. oktober.