![Hanna Jensen tekur við sum rektari mánadagin](https://landsstyri.cdn.fo/savn/15087/jenis-hanna-4.jpg?width=1024&height=576&rmode=crop&s=17OArzTQB_W3U0tJEgleMlHUlzQ)
Seinnapartin í gjár, hósdagin 25. februar, var Hanna Jensen, ið mánadagin tekur við rektarastarvinum í Miðnám á Kambsdali, á fundi við landsstýrismannin, Jenis av Rana.
Hanna Jensen er 47 ára gomul og hevur lisið franskt á Universitetinum í Keypmannahavn og føroyskt á Fróðskaparsetrinum. Eisini er hon væl áleiðis við eini MA í vegleiðing, umframt at hava tikið onnur viðkomandi skeið.
Jenis av Rana avloysti Honnu Jensen í landsstýrisessinum eftir seinasta løgtingsval - og á Kambsdali skifta nú nýggi rektarin, Hanna Jensen, og fráfarandi rektarin, Páll Isholm, um skrivstovu, tí hann heldur fram at undirvísa á skúlanum.
Prátið í gjár var óformelt og snúði seg í høvuðsheitum um at ynskja Honnu Jensen blíðan byr í starvinum og frætta um hennara ætlanir við skúlanum.