11.08.2022 · Uttanríkis- og vinnumálaráðið
Anna Maria Reinert Jensen sett sum fyrstilærari í Kaldbaks skúla
![Anna Maria Reinert Jensen sett sum fyrstilærari í Kaldbaks skúla](https://landsstyri.cdn.fo/savn/16926/anna-maria-reinert-jensen.jpg?width=1024&height=576&rmode=crop&s=XbqrHoX4sjtxsjrLRUZc_GBlEOk)
Landsstýrismaðurin í uttanríkis- og mentamálum, Jenis av Rana, hevur sett Onnu Mariu Reinert Jensen í starvið sum fyrstilærara í Kaldbaks skúla frá 1. august 2022 at rokna.
Anna Maria Reinert Jensen er 52 ára gomul og býr í Hoyvík. Hon tók læraraprógv í 1994 og eftirútbúgving í namsfrøðiligari leiðslu í 2020. Harumframt hevur hon í 2021 tikið skeið á masterstigi í yvirskipaðari namsfrøðiligari leiðslu.
Anna Maria Reinert Jensen hevur drúgvar royndir innan skúlagátt, hon hevur síðan 1996 undirvíst sum lærari í tveimum stórum skúlum í Havn, har hon hevur verið flokslærari øll árini, umframt at hon hevur verið toymisleiðari og leitt verkætlanir.