![Amerikanski admiralurin Robert Burke á vitjan í Føroyum](https://landsstyri.cdn.fo/savn/14580/burke.jpg?width=1024&height=576&rxy=0.49,0.32133333333333336&rmode=crop&t=23&s=LVN05wWJ9PnMN7LaC9z4aKD-Q3o)
Í dag 28. oktober vitjar amerikanski admiralurin Robert Burke í Føroyum. Robert Burke er ovasti fyri amerikonsku flotaeindirnar í Evropa og Afrika. Hann hevur støð á NATO flotastøðini í Napoli í Italia.
Undir vitjanini skal Robert Burke á fund við Jenis av Rana, landsstýrismann í uttanríkismálum. Á fundinum fara landsstýrismaðurin i uttanríkismálum og admiralurin millum annað at umrøða viðurskiftini við USA, trygdarstøðuna í Arktis og møguleikarnar fyri samstarvi í sambandi við bunkring og aðrar tænastuveiting til amerikonsk flotaskip.
Á ferðini skal Burke admiralur eisini hava fund við Jørgen Niclasen, landsstýrismann í fíggjarmálum og varaløgmann.