Starvsfólk English Edition
    Uttanríkis- og vinnumálaráðið   >   Faroese Edition   >   Arbeiðsøki   >   Uttanríkisviðurskifti   >   Sendistovur Føroya   >   Sendistova Føroya í Reykjavík   >   Kunning   >   Vinnumøguleikar í Íslandi

    Vinnutænastur

    Ísland er ein áhugaverdur marknaður við nógvum ymiskum møguleikum. Serliga er tað ferðavinna, aluminium framleiðsla og fiskivinna, harímillum alivinna, ið er sjónlig á marknaðinum. Ísland er limur í EFTA (European Free Trade Association) og EBS (Evropiskt Búskaparligt Samstarv). Harumframt leggur Hoyvíkssáttmálin lunnar undir haldgóð handilsviðurskifti, og tætta sambandið millum grannatjóðirnar er eisini at finna á marknaðinum. Í 2019 útfluttu Føroyar fyri 170 mió. DKK til Íslands. Eisini er íslendski marknaðurin ítøkiliga lætt atkomiligur við beinleiðis og títtum ferðasamskifti, bæði til ferðafólk og vørur.

    Meiri kunning um møguleikarnar á íslendska marknaðinum, er á heimasíðuni hjá Invest in Iceland www.invest.is. Eisini ber til at venda sær beinleiðis til sendistovuna í Reykjavík við telefon ella telduposti.

    Eitt av endamálunum hjá sendistovuni er at styðja føroyskt vinnulív á íslendska marknaðinum. Sendistovan hevur seinastu árini lagt nógva orku í at fáa innlit í íslendska marknaðin og hevur umfatandi royndir innan ráðgeving til føroyskar fyritøkur um, hvussu tær kunnu styrkja sína støðu á marknaðinum.


    Dømi um uppgávur, sendistovan kann hjálpa við:
    Sendistova Føroya í Reykjavík bjóðar vinnulívinum ráðgeving og leiðbeining um íslendska marknaðin, til dømis at fáa samband við møguligar veitarar og at upplýsa um marknaðarmøguleikar, bæði fyri útflutningi og innflutningi.

    • Finna upplýsingar um íslendskar vøru- og tænastuveitarar
    • Hjálpa fyritøkum at samskifta við almennar myndugleikar og íslendskar stovnar um handilsviðurskifti
    • Hjálpa fyritøkum at skipa fyri tiltøkum og fyrilestrum í Íslandi
    • Veita hjálp til fyritøkur, ið vilja senda út faldara ella lýsing av egnari framleiðslu ella egnum virki á íslendska marknaðin
    • Finna møgulig viðskiftafólk, samstarvsfelagar ella umboðsfólk í Íslandi
    • Veita kunning og ráðgeving um vinnuráðstevnur í Íslandi
    • Knýta sambond og fáa í lag fundir við viðkomandi samstarvsfelagar ella umboðsfólk í Íslandi
    • Gera eina tíðarhóskandi meting av kappingarførinum á marknaðinum.
    • Umframt hetta, kann sendistovan fáa í lag samstarv við serkøn, ið kunnu veita aðrar tænastur og ráðgeving


    Afturvendandi vinnuráðstevnur o.a.:

    Sendistovan heldur seg kunnaða um sýningar og ráðstevnur í Íslandi og tekur lut í teimum. Dømi um afturvendandi sýningar og ráðstevnur eru:


    Mentarnartiltøk:

    Hýsingarskipan: 

    Fundarhøli og skrivstovuhøli kunnu leigast í samráð við Sendistovuna. Bæði hølini eru tengd at skrivstovuni í Reykjavík.

    Skrivstovan (uml. 20 m²) er tøk til leigu í styttri tíðarskeið eftir nærri avtalu. Á skrivstovuni er skrivaraborð og eitt minni fundarboð, ið veitir pláss fyri 4 fólkum. Atgongd er til prentara og tráðleyst net.

    Fundarhøli kann leigast fyri hálvan ella heilan dag í senn. Fundarhølið rúmar millum 10 og 14 fólk. Øll nútímans tøknilig útgerð er í fundarhølinum. Møguleiki er fyri at bíleggja mat til fundarfólkið.

    Í kjallarahæddini er ein salur, ið tekur uml. 150 – 200 fólk, sum kann leigast til serlig tiltøk.