Heilsufrøðiliga samstarvið við ES

Heilsufrøðiliga avtalan millum Føroya og ES kom í gildi í 2001 og er partur av handilssáttmálanum. Avtalan ásetur, at krøvini til framleiðslu av fiskavørum í Føroyum á heilsufrøðiliga økinum skulu samsvara ES krøvum. Við avtaluni, sleppa føroyskir útflytarar av fiski og fiskavørum undan seinkandi og dýrkandi heilsufrøðiligum eftirliti við markið til ES. Føroyar eru sostatt at fata sum partur av ES marknaðinum á heilsufrøðiliga økinum, tá talan er um útflutning av fiskavørum. Heilsufrøðiliga avtalan fevnir ikki um landbúnaðarvørur.